Presidenti i Serbisë, Aleksandar Vuçiç deklaron se vendi i tij “është nën një presion gjithnjë e më të madh” për të njohur pavarësinë e Kosovës.
“I gjithë Perëndimi do t’i kërkojë Serbisë që të avancojë shpejt me njohjen e pavarësisë së Kosovës, në mënyrë që t’i thotë Putinit se Kosova nuk mund të krahasohet me atë që po ndodh në territorin e Ukrainës”.
Ai tha gjithashtu se situata në Serbi “ka ndryshuar për keq”, pas deklaratave të presidentit të Rusisë, Vladimir Putin, i cili e ka krahasuar Kosovën me dy rajonet separatiste në Ukrainë, Donjeckun dhe Luhanskun, të njohura bashkërisht si Donbas.
Vuçiç tha se Serbia “po paguan çmim të lartë” edhe për faktin se nuk i ka vendosur sanksione Rusisë, për shkak të pushtimit të Ukrainës.
Sipas tij, “një numër i vogël vendesh thonë se janë në favor të normalizimit të marrëdhënieve mes Beogradit dhe Prishtinës” dhe se “një numër në rritje kërkon njohje reciproke”.
